Жизнь команды

«НФК Крумкачы» — «Спутнік». Прэв'ю матча

Спутнік – так называлася першая касмічная праграма ў гісторыі. Менавіта такую назву мае сапернік нашага клуба ў наступным таварыскім матчы. Рэчыцкі «Спутнік» з’явіўся ў 2017 годзе і пачаў свой шлях у беларускім футболе, як і ўсе, – з Другой лігі. Камандзе не хапіла літаральна некалькі пунктаў да другога месца, якое давала права на павышэнне ў класе. Але ўсё вырашыў выпадак – магілёўскі «Дняпро» адмовіўся удзельнічаць у Першай лізе, і замест магілеўчан туды трапіла каманда з Рэчыцы. У сезоне-2019 «Спутнік» таксама ставіў перад сабой амбіцыйныя задачы, але на ўсю дыстанцыю чэмпіянату сіл не хапіла: каманда не была дастаткова стабільнай і перамогі над лідарамі чаргаваліся з паразамі. Адсюль вынік – толькі шостае месца.

Зараз, як і ў мінулым сезоне, камандай кіруе Вячаслаў Леўчук, які мае вялікі паслужны спіс клубаў і ўзнагарод як у якасці гульца, так і ў якасці трэнера. У складзе мазырскага МПКЦ ён стаў чэмпіёнам Беларусі па футболе ў сезоне 1996, а як трэнер, акрамя работы ў айчынных клубах, мае досвед трэнерскай дзейнасці ў «Шэрыфе», «Севастопале» і львоўскіх «Карпатах». Перад тым, як узначалiць «Спутнік», Леўчук быў галоўным ў «Дняпро», і, здаецца, што лёс гэтых каманд неяк містычна звязаны. Можа таму, што абодва горада злучае адна з найбуйнейшых рэк нашай краіны – Дняпро?

«НФК Крумкачы» — «Спутнік». Прэв'ю матча, изображение №2
 

Ёсць і яшчэ адна цікавостка, якая можа зрабіць гэтае супрацьстаянне прынцыповым як у чэмпіянаце, так і ў наступнай гульне: у складзе нашага саперніка ёсць некалькі гульцоў, якія, тэарэтычна, могуць быць асобна знаёмы з галоўным трэнерам нашай каманды – Сяргеем Кузьмінічам. Напрыклад, за «Спутнік» зараз гуляе некалькі выхаванцаў футбольнага клуба «Гомель», з якім Сяргея Казіміравіча звязвае гульнявая (2010 год) і трэнерская (2010-2012) кар’ера. Напрыклад: Аляксей Цімашэнка, Арцём Федзянін, Андрэй Саковіч, Георгі Манастырскі, Станіслаў Іжакоўскі. Некаторыя з іх назіралі за Кузьмінічам – гульцом каманды, а зараз будуць гуляць супраць яго ўжо ў якасці трэнера! Чым не прынцыповасць?

У нашай камандзе таксама ёсць гулец, з-за якога наступная сустрэча «Крумкачоў» можа стаць прынцыповай. Гэта – Віталь Ліхцін, які на працягу двух сезонаў гуляў за «Спутнік». Увогуле за рэчыцкі клуб Віталь правёў 41 матч і забіў 4 мячы.

На каго варта звярнуць увагу ў складзе «Спутніка»?

Валерый Патароча. Лепшы бамбардзір (9 галоў) і лепшы гульца мінулага сезону па версіі заўзятараў. У міжсезонне Валерый забіў толькі 2 галы ў матчы з «Энергетыкам» (2:2).

«НФК Крумкачы» — «Спутнік». Прэв'ю матча, изображение №3
 

З цікавых трансфераў:

Дзяніс Глужэўскі – паўабаронца. У мінулым сезоне прымаў удзел у юнацкай Лізе Чэмпіёнаў: адыграў 3 матчы, выніковымі дзеяннямі ня адзначыўся.

Ілля Сень – нападаючы. Прыйшоў з маладзёжкі БАТЭ. У сезоне-2019 быў адным з найлепшых бамбардзіраў каманды – у 21 гульні забіў 14 галоў.

А вось вынікі міжсезонных гульняў ФК «Спутнік»:

«Энэргетык-БДУ» 2:2 «Спутнік»

«Белшына» 1:0 «Спутнік»

«Спутнік» 9:2 «Славія» (д)

«Спутнік» 3:0 «Орша»

«Спутнік» 0:1 «Лакаматыў» (Гомель)

«Спутнік» 2:0 «Смаленск»

«Спутнік» 1:2 «Днепр-Магілёў»

Па асабістым супрацьстаянням наш клуб перамагае: 2-2 і 1-0 на нашу карысць у другой лізе і 3-3, 1-0 – у першай. Увогуле атрымліваецца дзьве перамогі і дзьве нічыі. Троху статыстычных вынікаў: «Крумкачы» перамагаюць «Спутнік» у кожным другім матчы. У кожным другім матчы сустрэча скончваецца галевой феерыяй. У сярэднім у матчах паміж камандамі забіваецца тры галы. Таму, абавязкова прыходзьце на стадыён, там Вас чакае ці перамога нашай каманды, ці шмат галоў! Іншае, паводле статыстыкі, амаль неверагодна!

Аўтар: Кірыл Комкін

Последнее из Twitter

@fotaczka Вам дзякуй!
Яшчэ больш інфармацыі аб патрэбнай дапамозе на https://t.co/63h6FhmfhH і https://t.co/n7hQF1qGlu
А зараз без жарцікаў! У апошнія часы хапае супярэчлівых навін, але мы ведаем каму дакладна зараз патрэбная нашая п… https://t.co/ErDUmKdCxY
@vozhyk_by Калі чакаць аўдыё?

Контакты

Директор

Олег Давидович
+375 (29) 618-09-80
od@nfk.by

Пресс-секретарь

Сергей Южик
+375 (29) 619-10-68
sj@nfk.by

Специалист по безопасности

Анатолий Бричак
+375 (29) 114-19-77

Логотип Prestigio
 

   

 

Подписывайся на нас

 

Copyright© 2019
ООО "НФК Крумкачы"
Сайт разработан business-solutions.by